Даліта Арцін Аванесян[1] (арм.: Դալիթա Արթին Ավանեսյան, нар. 19 верасня 1999 года, у Тэгеране, Іран) — армянская спявачка[2][3], удзельніца Дзіцячага конкурсу песні Еўрабачанне 2011, які адбыўся 3 снежня 2011 года ў «Спартыўным комплексе імя Карэна Дземірчана» (Ерэван, Арменія), дзе яна прадстаўляла Арменію з песняй «Welcome to Armenia» (арм.: «Բարի գալուստ Հայաստան»).
Маладая спявачка жыве ў Ерэване, сталіцы Арменіі. Пачынаючы з 6 гадоў бярэ ўдзел у розных конкурсах хараства. Вучыцца ў «Музычнай школе № 1» імя Аляксандра Спендыярана[4], у трох розных кірунках: фартэпіяна, гітара і вакал, у адукацыйным комплексе «Альманах» ім. Анжэлы Аруцюнян. Займаецца плаваннем і вялікім тэнісам[5].
Даліта вяла рубрыку «Дзіцячыя навіны» на 2-м армянскім тэлеканале ў праграме «Добрая раніца Арменія».
Яна была карэспандэнтам «Bumbumik Show» на тэлеканалах «Кентрон» і «ATV». 2010 г. Брала ўдзел на тэлеканале «Шант» у праграме «Утоены талент» дзе прадстаўляючы свае навыкі, выйшла ў паўфінал. Узяла ўдзел у гала-канцэрце. Знялася ў многіх эпізодаў серыяла «Шылашпот» у тэлеканале «Шант» (праграма для дзяцей Ералаш). У наш час здымаецца ў тэлеканале «Арменія ТБ», праграме «Чарлі Show» — дзе мае ролю Чарліты.
У моладзевым часопісе «YES» мае сваю ўласную старонку з рубрыкай «Dalita і сябры».
Цяпер таксама выступае ў Тэатры-студыі Арташэса Алексаняна ў спектаклі «Суд армян — суд усяго чалавецтва», а таксама здымаецца ў серыяле «Каргін серыял» разам з вядомымі армянскімі акцёрамі.
У лістападзе 2015 года яна выпусціла свой першы альбом “Welcome to Armenia”, якая названа па імі песні якая яна спявала ў Дзіцячым Еўрабачанні 2011.