Далайно́р — возера на пласкагор’і Барга на поўначы Унутранай Манголіі, у Кітаі, у басейне ракі Аргунь.
Плошча паверхні каля 1100[2] (2339) км², глыбіня 6—9[2] м. Сярэдні ўзровень 539 м. На працягу XX стагоддзя возера моцна павялічылася ў памерах. Жыўленне водамі рэк Керулен і Арчун-Гол. Пры высокім узроўню вады сцёк па Мутнай пратоцы[1] ў раку Аргунь[2]. Берагі Далайнора нізкія, плоскія, месцамі забалочаныя, ва ўсходняй частцы — месцамі пясчаныя[2]. У паўночнай частцы возера парасло трыснягом. Возера прэснае, багата рыбай.