wd wp Пошук: ⬜

Гімнаспарангій казацкаядлоўцавы

Гімнаспарангій казацкаядлоўцавы (Gymnosporangium sabinae) — від паразітычных грыбоў [11], якія пасяляюцца на лісці груш.

Апісанне

Gymnosporangium sabinae разам з Gymnosporangium tremelloides развівае тэлейтаспоры на ядлоўцы (Juniperus). Гэта паражэнне носіць хранічны характар, і таму ядловец служыць пастаяннай крыніцай інфекцыі для яблыні і грушы. Гэтыя пладовыя расліны адыгрываюць ролю прамежкавага гаспадара, бо яны заражаюцца базідыяспорамі з ядлоўца[12].

Прыкладна ў ліпені на верхнім боку лісця яблыневых з’яўляюцца круглявыя чырванавата-аранжавыя плямы з дробнымі цёмнымі кропкамі. Гэтыя кропкі — спермагоніі грыба. Пазней на ніжнім боку лісця развіваюцца эцыдзіі ў выглядзе даўгаватых, конусападобных ці сасцападобных вырастаў, якія размяшчаюцца групамі. Пасля паспявання эцыдзіі разрываюцца зоркападобнымі расколінамі і з іх выкідаюцца эцыдзіаспоры[12].

У некаторыя гады пры моцным развіцці захворвання могуць пашкоджвацца не толькі лісце, але і парасткі з пладамі. На цэлым дрэве бывае цяжка выявіць непашкоджаныя лісці. Такое захворванне прыносіць істотную шкоду: дрэвы не даюць прыросту, плады не могуць развівацца і ападаюць раней часу[12].

Барацьба ў сельскай гаспадарцы

Каб не дапусціць масавага развіцця хваробы, трэба знішчаць зараснікі ядлоўцу побач з пладовымі садамі, а таксама апрыскваць дрэвы спецыяльнымі хімічнымі прэпаратамі[12].

Галерэя

Зноскі

↑ E.M. Fries (1832) , In: Syst. mycol. (Lundae) 3(2):508
↑ DC. (1806) , In: Encycl. Méth. Bot. 8:39
↑ Lamarck & de Candolle (1805) , In: Fl. franç., Edn 3 (Paris) 2:217
↑ Rebent. (1804) , In: Prodr. fl. neomarch.:350
↑ CABI databases
↑ Pers. (1801) , In: Syn. meth. fung. (Göttingen) 2:629
↑ Pers. (1794) , In: Neues Mag. Bot. 1:118
↑ Gmelin (1792) , In: Systema Naturae, Edn 13 2(2):1472
↑ Hoffm. (1787) , In: Veg. Crypt. 1:33
↑ Dicks. (1785) , In: Fasc. pl. crypt. brit. (London) 1:14
↑ G. Winter (1884) , In: Pilze Deutschl. 1:232
1 2 3 4 Семейство Пукциниевые (Pucciniaceae) (руск.)

Літаратура

Снігіроў Г. С. Гімнаспарангій // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз.