Гёпінген (ням.: Göppingen) — горад на поўдні Германіі, частка адміністрацыйнага раёна Штутгарт федэральнай зямлі Бадэн-Вюртэмберг. Сталіца раёна Гёпінген. Размешчаны ля падножжа гары Гогенштаўфен, у даліне ракі Фільс. Моцны пажар 25 жніўня 1782 года знішчыў большую частку горада, але ён быў хутка адноўлены. Індустрыялізацыя ў XIX стагоддзі ператварыла гэтыя землі ў цэнтр індустрыі.