У Вікіпедыі ёсць артыкулы пра іншых асоб з прозвішчам Лундберг.
Густаў Лундберг (шведск.: Gustaf Lundberg; 17 жніўня 1695, Стакгольм — 18 сакавіка 1786, Стакгольм) — шведскі мастак-партрэтыст (працаваў у тэхніцы пастэлі), прадстаўнік ракако, атрымаў вядомасць, пражываючы ў Парыжы, а затым у — Стакгольме.
Лундберг нарадзіўся ў Стакгольме 17 жніўня 1695 года, быў сынам каралеўскага кухара Густафа Лундберга і яго жонкі Сабіны Рыхтэр, у сям’і якой былі паспяховыя мастакі і ювеліры. Асірацеў у раннім узросце і быў выхаваны сваім дзядзькам, Фрэдрыкам Рыхтэрам, ювелірам; у 1712 годзе стаў чаляднікам жывапісца Давіда фон Крафта. Навучанне скончылася ў 1717 годзе, каб па парадзе настаўніка прадоўжыць сваю адукацыю ў Парыжы.
У Парыжы ён стаў вучнем Гіяцынта Рыго, Нікаля дэ Ларжыльера і гістарычнага жывапісца Жана-Франсуа дэ Труа.