Грэта Інга Ротбол Сунд, народжаная Грэта Інга Поўльсэн (швед. Grethe Inga Rottböll Sund, нар. 11 лютага 1956) — шведская спявачка і аўтар. Яна жыве і працуе ў Швецыі і піша кнігі для дарослых і дзяцей пад імем Грэты Ротбол. На працягу 1990-х працавала спявачкай (меца-сапрана) у операх і аперэтах. З мая 2018 года яна з’яўляецца старшынёй Саюза пісьменнікаў Швецыі.
Грэта Ротбол вырасла ў сям’і спевакоў.[2] У маладым узросце яна страціла абодвух бацькоў і вырашыла ўзяць прозвішча бацькі Ротбол. У 1979 годзе яна пераехала ў Стакгольм, а ў 1981 годзе выйшла яе першая кніга «Att vara Emilia». У 1988 годзе Ротбол апублікавала кнігу «Rosenodlaren».
На працягу 1990-х гадоў Ротбол працавала спявачкай мецапрапрана.[3] Яна спявала Херубіна ў «Жаніцьбе Фігаро», князя Арлоўскага ў «Кажане».[4] Арфея ў «Арфее і Эўрыдыкі».[5]
Ротбол разам са сваім мужам Хаканам Сундам заснавалі Bergslagenoperan у Бергслагене.[6]
У пачатку 2000-х яна пачала выдаваць дзіцячыя кнігі. Яна таксама напісала навукова-папудярныя кнігі пра жывёл і прыроду.[7][8] Яна таксама выдала дзве кнігі пра хлопчыка Оле, з ілюстрацыямі Ганны-Карын Гарамн. Таксама выдала навукова-папудярныя кнігі пра спевы, рыторыку, тэатр, трафік, цырк і драконаў.[9] З ілюстрацыйнымі працымі Лісэн Адбаге Ротбол апублікавала кнігі пра «Tio vilda hästar» (Дзесяць дзікіх каней). У 2013 годзе яна апублікавала кнігу «Jon har ett svart hål i sitt röda hjärta» (Джон мае чорную дзірку ў чырвоным сэрцы); кніга расказвае пра смерць зразумелым для дзяцей спосабам.