Грымячае — возера ў Пухавіцкім раёне Мінскай вобласці, за 27 км на паўднёвы ўсход ад горада Мар’іна Горка, за 2,5 км на поўдзень ад вёскі Весялова, каля ўрочышча Галіны. Адносіцца да басейна ракі Сіняя.
Плошча паверхні 0,01 км², даўжыня 0,12 км, найбольшая шырыня 0,11 км. Даўжыня берагавой лініі 0,35 км.
Возера размешчана на ўскраіне балотнага масіву. Берагі нізкія, пераважна сплавінныя, параслі хмызняком і рэдкалессем. На поўдні злучана ручаём з каналам Пратасевіцкі.