Гру́шаўскі сельсавет — былая адміністрацыйна-тэрытарыяльная адзінка ў складзе Кобрынскага раёна Брэсцкай вобласці. Цэнтр — вёска Грушава.
Утвораны 16 ліпеня 1954 года ў складзе Антопальскага раёна шляхам аб’яднання Дзямідаўшчынскага і Худлінскага сельсаветаў[1]. Пасля скасавання Антопальскага раёна 8 жніўня 1959 года ў складзе Кобрынскага раёна. 21 студзеня 1961 года скасаваны, тэрыторыя далучана да Гарадзецкага сельсавета[2].