Анто́пальскі раён. Існаваў у 1940—1959 гг. у Брэсцкай вобласці. Утвораны 15 студзеня 1940 г. Цэнтр раёна — г.п. Антопаль. Плошча раёна 900 км², 85 населеных пунктаў.
12 кастрычніка 1940 г. раён падзелены на 13 сельсаветаў: Акцябрскі, Аніскавіцкі, Асіпавіцкі, Галоўчыцкі, Гарадзецкі, Дзераўноўскі, Дзеткавіцкі, Дзямідаўшчынскі, Заніўеўскі, Іласкі, Каменскі, Першамайскі, Худлінскі.
16 ліпеня 1954 г. скасаваны Асіпавіцкі, Дзераноўскі, Дзямідаўшчынскі, Заніўскі, Іласкі, Каменскі і Худлінскі, утвораны Грушаўскі і Імянінскі сельсаветы, вёскі Тыневічы і Пацы перададзены ў склад Драгічынскага раёна, вёска Пігановічы перададзена з Драгічынскага раёна[1]. 31 сакавіка 1959 г. скасаваны Акцябрскі сельсавет.
8 жніўня 1959 г. раён скасаваны. Антопаль і 4 сельсаветы (Галоўчыцкі, Дзеткавіцкі, Імянінскі і Першамайскі) перададзены ў Драгічынскі раён, Аніскавіцкі, Гарадзецкі і Грушаўскі сельсаветы — у Кобрынскі раён.