Гродзенская епархія (Гродзенская і Ваўкавыская епархія) — царкоўна-адміністрацыйная адзінка Беларускай праваслаўнай царквы (экзархата). Заснавана як «Гродзенская і Брэсцкая» 23 студзеня (4 лютага) 1900 г., вылучэннем з Віленскай і Літоўскай епархіі. Тэрыторыя епархіі ўключае заходнюю частку Гродзенскай вобласці (тэрыторыі Гродзенскага, Бераставіцкага, Ваўкавыскага, Зэльвенскага, Мастоўскага, Свіслацкага і Шчучынскага, часткова Воранаўскага раёнаў).
Епархія падзяляецца на парафіяльныя акругі на чале з благачыннымі, якія прызначаюцца епархіяльным архіерэем. Сёння ў Гродзенскай епархіі 8 парафіяльных акруг (1 гарадская і 7 раённых).
Гродзенская епархія аб’ядноўвае 97 прыходаў (якія маюць юрыдычную рэгістрацыю).
У Гродзенскай епархіі здзяйсняюць служэнне 132 клірыка, з іх святароў — 121, дыяканаў — 11.
Свята-Раства-Багародзіцкая царква і кляштар базыльянак (Гродна)