Грабні́цкае — возера ў Шумілінскім раёне Віцебскай вобласці, за 11 км на паўночны ўсход ад гарадскога пасёлка Шуміліна, каля вёскі Грабніца, у басейне ракі Шэвінка.
Плошча паверхні 0,08 км². Даўжыня 1,06 км, найбольшая шырыня 0,1 км. Даўжыня берагавой лініі 2,35 км.
Схілы катлавіны вышынёй 7—9 м, разараныя, у ніжняй частцы да ўрэзу вады расце хмызняк. На захадзе ўпадае ручай з возера Філіпенскае, на ўсходзе выцякае ручай у Заронаўскае возера.