«Голос революционного студенчества» — грамадска-палітычны, навуковы і літаратурна-мастацкі часопіс. Выдаваўся ў 1923—1924 гг. у Горках на рускай мове выканкомам Бюро студэнцкіх прафсаюзных секцый Горы-Горацкага сельскагаспадарчага інстытута. Існавалі аддзелы: навуковы, студэнцкага жыцця, літаратурны. Друкаваў навуковыя артыкулы прафесараў інстытута М. І. Бурштэйна, І. Г. Васількова, У. У. Вінера, А. К. Кедрава-Зіхмана, Б. Я. Ліпкіна, выкладчыкаў М. М. Ганчарыка, С. Г. Цытовіча і інш. Публікаваў літаратурныя творы на беларускай мове Ганчарыка (псеўд. Я.Сявец), Коўзеля (Дзядзька Хведар) і інш. Выйшлі 3 нумары. Адказны рэдактар — праф. Ліпкін.