У Вікіпедыі ёсць артыкулы пра іншых асоб з прозвішчам Ходжкін.
Говард Ходжкін (англ.: Howard Hodgkin; 6 жніўня 1932, Лондан — 9 сакавіка 2017, Лондан) — брытанскі жывапісец і графік, адзін з найбольш выбітных каларыстаў свайго пакалення. Яго абстрактныя карціны, часта невялікага фармату, заснаваныя на рэальных падзеях (як правіла, гэта ўражанні ад сустрэч з людзьмі).
Нарадзіўся ў сям’і Эліята Ходжкіна (1905—1973) і яго жонкі Кэтрын. Мастак шмат падарожнічаў, некалькі разоў наведваў Індыю. Прыхільнасць мастака да дэкаратыўных бардзюраў і плоскіх каляровых участкаў адлюстроўвае захапленне індыйскай мініяцюрай.
Яго першая персанальная выстава адбылася ў Лондане ў 1962 годзе. З’яўляўся адным з папячыцеляў Галерэі Тэйт і Нацыянальнай галерэі. У 1984 годзе мастак прадстаўляў Вялікабрытанію на Венецыянскай біенале, у 1985 годзе ганараваны Прэміі Цёрнера, а ў 1992 годзе атрымаў рыцарскі тытул.
Адным з яго вучняў быў Эдвард Пайпер (1938—1990).