Глен Клоўз (англ.: Glenn Close; нар. 19 сакавіка 1947, Грынвіч, Канектыкут, ЗША) — амерыканская актрыса, спявачка і прадзюсар. З’яўляецца рэкардсменкай сярод актрыс, якія маюць найбольшую колькасць намінацый на прэмію «Оскар» без перамог (1983, 1984, 1985, 1988, 1989, 2012, 2019). Лаўрэат трох «Залатых глобусаў», трох тэлевізійных прэмій «Эмі» і трох «Тоні», а таксама двух «прэмій Гільдыі кінаакцёраў ЗША».
Глен Клоўз найбольш вядомая па сваіх ролях у фільмах «Фатальная цяга», «Небяспечныя сувязі» і «101 далмацін». У апошнія гады пераважна працуе на тэлебачанні, згуляла ў тэлесерыялах «Шчыт», а з 2007 па 2012 гады здымалася ў тэлевізійнай драме «Сутычка».