У Вікіпедыі ёсць артыкулы пра іншых асоб з прозвішчам Дэвіс.
Глен Эшбі Дэвіс (англ.: Glenn Ashby Davis; 12 верасня 1934, Уэлсберг, Заходняя Вірджынія — 28 студзеня 2009, Барбертан, Агая) — амерыканскі лёгкаатлет, трохразовы алімпійскі чэмпіён.
Чэмпіён Алімпійскіх гульняў 1956 года ў бегу на 400 метраў з бар’ерамі і двухразовы чэмпіён Алімпійскіх гульняў 1960 года ў бегу на 400 метраў з бар’ерамі і ў эстафетным бегу 4х400 метраў. Адзіны ў гісторыі бар’ерыст на дыстанцыі 400 метраў, які ўсталяваў сусветны рэкорд у бегу на 400 метраў без бар’ераў.