wd wp Пошук: ⬜

Георг Хрысціян Унгер

У Вікіпедыі ёсць артыкулы пра іншых асоб з прозвішчам Унгер. Георг Хрысціян Унгер (ням.: Georg Christian Unger, 25 мая 1743, Байрайт — 20 лютага 1799, Берлін) — нямецкі архітэктар, які служыў Фрыдрыху II. Большасць яго пабудоў знаходзіцца ў Патсдаме і Берліне.

Творчасць

Унгер вучыўся ў Карла фон Гонтарда. Усяго стварыў каля 260 архітэктурных праектаў, многія з якіх былі ўвасоблены самім архітэктарам. Па замове Фрыдрыха II ён стварыў новы тып збудавання — гарадскі палац, жылы дом, падобны на палац. Пад кіраўніцтвам Унгера ў Берліне была пабудавана вялікая колькасць будынкаў: каля 40 — на Унтэр-дэн-Ліндэн, 13 палацаў на Жандарменмаркт і больш за 40 на Лейпцыгскай вуліцы.

Асноўныя працы

Старая бібліятэка на плошчы Бебельплац у Берліне (1775—1780), адноўлена ў 1963—1969 гг.;
Рэканструкцыя Новых палат у Патсдаме;
Бельведэр на гары Клаўсберг у Патсдаме;
вясковая царква ў патсдамскім раёне Айхэ
асноўны будынак Доўгіх стайняў (ням.: Langer Stall) у Патсдаме;
разам з Гонтардам вежы Нямецкага і Французскага сабора на берлінскай плошчы Жандарменмаркт;
малыя Брандэнбургскія вароты ў Патсдаме (пабудаваны ў 1770 г. разам з Гонтардам);
Дамы Гілера і Бранта ў Патсдаме.

Бібліяграфія

Christian Wendland: Georg Christian Unger. Baumeister Friedrichs des Großen in Potsdam und Berlin. J. Strauss Verlag, Potsdam 2002, ISBN 3-929748-28-2

Зноскі

1 2 Georg C. Unger // RKDartists Праверана 9 кастрычніка 2017.
↑ Georg Christian Unger // Brockhaus Enzyklopädie Праверана 9 кастрычніка 2017.

Спасылкі

На Вікісховішчы ёсць медыяфайлы па тэме Георг Хрысціян Унгер