Генрых Мікалаевіч Абаеў (нар. 2 лістапада 1932, г. Баку, Азербайджан — 7 верасня 2014) — спецыяліст у галіне працэсаў і апаратаў хімічнай тэхналогіі. Доктар тэхнічных навук (1971), прафесар (1981).
Скончыў Азербайджанскі індустрыяльны інстытут (кваліфікацыя «Інжынер-механік», 1954).
Працаваў у Інстытуце нафтахімічных працэсаў (г. Баку, 1954—1958), Усесаюзным навукова-даследчым інстытуце алефінаў (г. Баку, 1958—1966), Навукова-даследчым інстытуце манамераў для сінтэтычнага каўчуку (г. Яраслаўль, 1966—1984), Навукова-даследчым інстытуце палімераў (г. Дзяржынск, Горкаўская вобласць, 1984—1986), Усесаюзным навукова-даследчым біятэхналагічным інстытуце (г. Масква, 1986—1988), Полацкім дзяржаўным універсітэце (1988—2007, тэхналагічны факультэт, кафедра хімічнай тэхнікі, прафесар, у 1988—2006 гадах — загадчык кафедры).
Навуковыя інтарэсы: працэсы хімічнай тэхналогіі; аналізатары ў нефтахімічнай прамысловасці; камп’ютарызацыя хімічных вытворчасцей; рэсурса- і энергазберажэнне.