Генеральнае консульства ГДР у Мінску — дыпламатычная місія ГДР у Мінску (БССР). Размяшчалася ў будынку па вуліцы Захарава, 26.
Адкрыта 7 красавіка 1972 года. Консульская акруга[uk] ахоплівала тэрыторыю БССР. Функцыі консульства былі вызначаны консульскім дагаворам, заключаным паміж СССР і ГДР 3 верасня 1971 года: садзейнічаць умацаванню сяброўскіх адносін паміж ГДР і СССР, развіццю эканомікі, гандлёвых, культурных, навуковых сувязяў і турызму. У задачы консульства ўваходзіла абарона правоў і інтарэсаў ГДР, яе грамадзян і юрыдычных асоб, назіранне за выкананнем дагавораў і пагадненняў, заключаных паміж СССР і ГДР, выкананне консульскіх, натарыяльных функцый.