Гексадэкан (цэтан) — CH3-(CH2)14-CH3 — аліфатычны насычаны вуглевадарод.
Крышталічнае рэчыва, бескаляровая вадкасць. Тэмпература плаўлення 18,2 °С, тэмпература кіпення 286,8 °С, шчыльнасць 0,770 г/см³ (пры тэмпературы 25 °С). Устойлівы да тэмпературы 500 °С. Не раствараецца ў вадзе і спірце, раствараецца ў бензоле, эфіры і іншых арганічных растваральніках.
Атрымліваюць гексадэкан награваннем актылбраміду з натрыем (рэакцыя Вюрца) і іншымі метадамі. Выкарыстоўваюць у якасці эталона для ацэнкі якасці дызельнага паліва (цэтанавы лік).