Гарнаста́йлаўскі сельсавет — былая адміністрацыйна-тэрытарыяльная адзінка ў складзе Грэскага раёна Мінскай вобласці. Цэнтр сельсавета — вёска Гарнастайлава.
Утвораны 5 сакавіка 1939 года як Гарнастаеўскі сельсавет у складзе Грэскага раёна Мінскай вобласці БССР шляхам разбуйнення Грозаўскага сельсавета з цэнтрам у вёсцы Гарнастаева. У склад сельсавета ўвайшлі 10 населеных пунктаў: вёскі Астравок, Гарнастаева, Ужа, Яўсеевічы, хутары Астравок, Дэлегатаўшчына, Леткаўшчына, Навасёлкі, Пятроўшчына і пасёлак Свабода[1]. З 20 верасня 1944 года па 8 студзеня 1954 года ў складзе Бабруйскай вобласці. 16 ліпеня 1954 года скасаваны, тэрыторыя далучана да Грозаўскага сельсавета[2].
Станам на 1 студзеня 1947 года ў склад сельсавета ўваходзілі 5 населеных пунктаў.