У паняцця ёсць і іншыя значэнні, гл. Панкратава. Ганна Міхайлаўна Панкратава (16 лютага 1897, Адэса — 25 мая 1957, Масква) — вучоны-гісторык, дзяржаўная і грамадская дзяячка, удзельніца грамадзянскай вайны. Акадэмік АН СССР (1953), АН БССР (1940), АПН РСФСР, член-карэспандэнт Германскай і Румынскай АН, ганаровы член Венгерскай АН.
Скончыла гістарычны факультэт Адэскага (Новарасійскага) універсітэта (1917). Скончыла Інстытут чырвонай прафесуры, дзе вучылася ў 1922—1925 гадах.
З 1939 года працавала ў Інстытуце гісторыі АН СССР.
У гады Вялікай Айчыннай вайны разам з групай адмыслоўцаў Інстытута гісторыі была эвакуявана ў Алма-Ату.
У 1953—1957 гадах — галоўны рэдактар часопіса «Вопросы истории».
Заслужаны дзеяч навукі Расіі і Казахстана, лаўрэат Дзяржаўнай прэміі СССР (1946), уладальніца ордэна Леніна.