У Вікіпедыі ёсць артыкулы пра іншых асоб з прозвішчам Корвін-Крукоўская. У Вікіпедыі ёсць артыкулы пра іншых асоб з прозвішчам Жаклар. У Вікіпедыі ёсць артыкулы пра іншых асоб з прозвішчам Корвін. Ганна Васілеўна Корвін-Крукоўская (Жаклар, фр.: Anna Jaclard; 6(18).10.1843, Масква — 2(14).9.1887) — руская пісьменніца, рэвалюцыянерка.
Паходзіць з беларускага шляхецкага роду. Сястра С. Кавалеўскай.
Першыя апавяданні надрукавала ў 1864 у часопісе Ф. Дастаеўскага «Эпоха». У 1867-68 у Пецярбургу, зблізілася з членамі рэвалюцыйных арганізацый. 3 1869 жыла ў Германіі, Францыі, выйшла замуж за французскага рэвалюцыянера Ш. В. Жаклара. Член Рускай секцыі I Інтэрнацыянала, перапісвалася з К. Марксам, пераклала на французскую мову ўрыўкі з першага тома «Капітала». Удзельніца Парыжскай камуны, член ЦК Саюза жанчын, прымала ўдзел у рабоце Камітэта пільнасці, была заснавальніцай і карэспандэнтам газеты «La socialiste» («Сацыялістка»). Пасля паражэння Парыжскай камуны жыла ў Швейцарыі, Расіі, займалася літаратурнай дзейнасцю, у 1886-87 яе апавяданні друкаваліся ў часопісе «Северный вестнік».