У Вікіпедыі ёсць артыкулы пра іншых асоб з прозвішчам Глушанкова. Ганна Іванаўна Глушанкова (1 жніўня 1926, Матышава(руск.) бел., Руднянскі раён, Валгаградская вобласць — 18 красавіка 2017, Ташкент) — узбекскі хімік, буйны вучоны ў галіне хіміі і тэхналогіі прыродных злучэнняў[1]. Доктар хімічных навук (1972), прафесар (1982), заслужаны дзеяч навукі Узбекістана (1996), акадэмік Акадэміі навук Рэспублікі Узбекістан(руск.) бел. (2000).
У 1948 годзе скончыла Сярэднеазіяцкі індустрыяльны інстытут(руск.) бел., затым — аспірантуру гэтага інстытута. Абараніла кандыдацкую дысертацыю, пазней — доктарскую. У 2000 годзе была выбрана сапраўдным членам Акадэміі навук Рэспублікі Узбекістан[1].
На працягу сваёй амаль 70-гадовай навукова-педагагічнай дзейнасці плённа працавала на такіх адказных пасадах, як загадчык кафедры Ташкенцкага політэхнічнага інстытута(руск.) бел., старшы навуковы супрацоўнік, загадчык лабараторыі, дырэктар Інстытута хіміі раслінных рэчываў акадэміі навук, член прэзідыума акадэміі навук, і ўнесла дастойны ўклад у актуальныя даследаванні ў галіне хіміі і тэхналогіі прыродных злучэнняў, а таксама ў падрыхтоўку высокакваліфікаваных кадраў ва Узбекістане[1].
Вынікі навуковых пошукаў Глушанковай шырока прымяняюцца ў народнай гаспадарцы Узбекістана, асабліва ў баваўнянай прамысловасці. Яе навуковыя працы ў галіне перапрацоўкі баваўнянага валакна і насення бавоўніка, вытворчасці з іх тавараў народнага спажывання і лекавых сродкаў маюць вялікае значэнне для развіцця галін эканомікі краіны[1].
З’яўляецца аўтарам больш за 400 навуковых артыкулаў, кніг і манаграфій, прысвечаных тэарэтычным і практычным пытанням хіміі і тэхналогіі прыродных злучэнняў[1].
Ордэн «Мехнат шухраці(руск.) бел.», Заслужаны дзеяч навукі Узбекістана[1].