У Вікіпедыі ёсць артыкулы пра іншых асоб з прозвішчам Эрыксан.
Ганна-Ліса Эрыксан (шведск.: Anna-Lisa Eriksson; 21 чэрвеня 1928, Сундсваль — 26 мая 2012) — шведская лыжніца, бронзавы прызёр Алімпійскіх гульняў і чэмпіянату свету.
На Алімпіядзе-1956 у Карціна-д’Ампеца заваявала бронзу ў эстафетнай гонцы 3х5 км, у якой бегла другі этап, прыняла і завяршыла свой этап на 4-м месцы, але на апошнім этапе Соня Эдстром вывела зборную Швецыі на трэцяе месца. У асабістай гонцы на 10 км Эрыксан заняла 13-е месца.
На чэмпіянаце свету 1954 заваявала бронзу ў эстафеце.