wd wp Пошук: ⬜

Галіна Іосіфаўна Кеда

У Вікіпедыі ёсць артыкулы пра іншых асоб з прозвішчам Кеда. Галіна Іосіфаўна Ке́да[1] (9 сакавіка 1916, Мінск — 2 студзеня 1981) — вучоны ў галіне геалогіі і палеанталогіі, кандыдат геолага-мінералагічных навук (1954)[1].

Біяграфія

Г. І. Кеда нарадзілася ў Мінску. У 1946 годзе скончыла Беларускі дзяржаўны ўніверсітэт. У 1947—1950 гг. працавала інжынерам ва Упраўленні па транспартнаму асваенню малых рэк пры Савеце Міністраў БССР. У 1953—1962 гг. вучоны сакратар у Інстытуце геалогіі АН БССР. З 1965 года — загадчык спорава-пылковай лабараторыі.

Навуковая дзейнасць

Г. І. Кеда апісала больш за 600 відаў спор раслін дэвонскага і каменнавугальнага перыядаў. Сааўтар рэгіянальнай схемы дэвону і карбону на тэрыторыі Беларусі. З’яўлялася членам палеанталагічнай камісіі.

Зноскі

1 2 Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1984. — 588 с., іл. — 10 000 экз.

Літаратура

Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1984. — 588 с., іл. — 10 000 экз. — С. 12.

Спасылкі

Кеда Галіна Іосіфаўна на сайце анлайн-энцыклапедыі «Беларусь у асобах і падзеях»