У Вікіпедыі ёсць артыкулы пра іншых асоб з прозвішчам Кеда. Галіна Іосіфаўна Ке́да[1] (9 сакавіка 1916, Мінск — 2 студзеня 1981) — вучоны ў галіне геалогіі і палеанталогіі, кандыдат геолага-мінералагічных навук (1954)[1].
Г. І. Кеда нарадзілася ў Мінску. У 1946 годзе скончыла Беларускі дзяржаўны ўніверсітэт. У 1947—1950 гг. працавала інжынерам ва Упраўленні па транспартнаму асваенню малых рэк пры Савеце Міністраў БССР. У 1953—1962 гг. вучоны сакратар у Інстытуце геалогіі АН БССР. З 1965 года — загадчык спорава-пылковай лабараторыі.
Г. І. Кеда апісала больш за 600 відаў спор раслін дэвонскага і каменнавугальнага перыядаў. Сааўтар рэгіянальнай схемы дэвону і карбону на тэрыторыі Беларусі. З’яўлялася членам палеанталагічнай камісіі.