Газарос Аветысавіч Авакян (15 сакавіка 1918, с. Чайкенд, Азербайджан — 22 мая 1945, Астралэнка, Польшча) — Герой Савецкага Саюза (1945).
Скончыў Азербайджанскі сельскагаспадарчы інстытут (1939), пяхотнае вучылішча (1941).
У гады Вялікай Айчыннай вайны ўдзельнік баёў пад Ельняй, абароны Беларусі. Вызначыўся 6 ліпеня 1944 года пры ліквідацыі варожай групоўкі ў Чэрвеньскім раёне Мінскай вобласці. Загінуў у баях за вызваленне Польшчы.
У 1976 годзе вуліца ў Кастрычніцкім раёне Мінска атрымала імя Г. А. Авакяна і ў 1977 годзе была ўстаноўлена мемарыяльная дошка.