У Вікіпедыі ёсць артыкулы пра іншых асоб з прозвішчам Саба. Га́бар Са́ба (венг.: Szabó Gábor; 8 сакавіка 1936, Будапешт — 28 лютага 1982, там жа) — вядомы амерыканскі джазавы гітарыст венгерскага паходжання. Адзін з першых змяшаў джаз з рок-музыкай і нацыянальнымі матывамі. Габар Саба ў ранніх 60-х вядомы сваімі эксперыментамі з гукам і прыладамі: яшчэ да Джымі Хендрыкса ён стаў выкарыстоўваць эфект зваротнай сувязі («фідбэк»), раней The Beatles ужыў сітар, укараніў лацінаамерыканскія рытмы ў музыку раней Сантаны. Значны ўплыў Габара Саба на сваю творчасць прызнаюць такія музыканты, як Карлас Сантана, Джон Мак-Лафлін, Робі Крыгер і Лары Кор’ел.