wd wp Пошук: ⬜

Віялета Урмана

Віялета Урманавічутэ-Урмана (літ.: Violeta Urmanavičiūtė-Urmana, 19 жніўня 1961, Капсукас, Літоўская ССР, СССР) — літоўская оперная спявачка (сапрана, мецца-сапрана).

Біяграфія

Нарадзілася 19 жніўня 1961 ў Капсукасе на паўднёвым захадзе Літвы.

Скончыла фартэпіянны, затым вакальны факультэт Віленскай кансерваторыі.

З 1991 года працягнула навучанне ў Астрыд Варнай у Вышэйшай школе музыкі ў Мюнхене. Неўзабаве была прынята ў студыю пры Баварскай дзяржаўнай оперы.

Дэбютавала на сцэне ў 1993 годзе ў партыі Лауры («Джаконда» А. Панк’елі) у оперы Санкт-Гален.

Спявачка набыла сусветную вядомасць, выконваючы партыі мецца-сапрана. У 2002 годзе Віялета Урмана пачала сваю «другую кар’еру» у якасці сапрана і зноў заваявала оперны свет[4][5][6].

Узнагароды і званні

Пераможца міжнародных конкурсаў «Belvedere» у Вене і імя Ф. Він’яса ў Барселоне.
Ганаравана ордэнам вялікага князя літоўскага Гядымінаса III ступені і Нацыянальнай прэміяй Літвы па культуры і мастацтву (2001).
У 2002 годзе спявачка атрымала прэмію Каралеўскага філарманічнага таварыства ў Лондане і прэмію Франка Аб’яці ў Бергама.
У 2009 годзе была ганаравана ў Вене ганаровым тытулам «Kammersängerin».
Ганаровы доктар Літоўскай акадэміі музыкі і тэатра (2012).[7]

Зноскі

↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #124660029 // Агульны нарматыўны кантроль — 2012—2016. Праверана 29 красавіка 2014.
↑ https://www.theguardian.com/music/2006/feb/14/classicalmusicandopera1
↑ https://www.medici.tv/en/artists/violeta-urmana/
↑ «Божественные мгновения счастья»
↑ ММДМ откроет сезон выступлением мировой оперной звезды Виолеты Урманы Российская газета, 23.09.2011
↑ Дом музыки открывает IX концертный сезон vesti.ru 22.09.2011
↑ VLE

Спасылкі

Афіцыйны сайт
Violeta Urmana(англ.)
Živilė Ramoškaitė Urmana(літ.) . Visuotinė lietuvių enciklopedija. Mokslo ir enciklopedijų leidybos centras (16 снежня 2013). Праверана 9 лютага 2018.