Вірхілія Піньера (ісп.: Virgilio Piñera; 4 жніўня 1912 — 18 кастрычніка 1979) — кубінскі паэт, драматург, празаік і перакладчык.
У 1946—1958 гг. жыў у Аргенціне, дзе сябраваў і супрацоўнічаў з Х. Л. Борхесам і В. Гамбровічам. Пераклаў на іспанскую мову раман «Фердыдурке», таксама перакладаў творы М. Пруста, А. Жыда, Ж. Жыяно і інш. У 1970-я — 1980-я гады пераследаваўся ўладамі за незалежныя погляды і гомасексуалізм, яго творы нідзе не друкавалі, а самога пісьменніка не выпускалі за мяжу. Тым не менш, у Францыі былі апублікаваныя «Абыякавыя апавяданні» (Cuentos fríos, 1970), яго проза і п’есы друкаваліся і ставіліся ў Іспаніі, Аргенціне, ЗША. Творчасць В. Піньеры значна паўплывала на маладое пакаленне аўтараў Лацінскай Амерыкі.