У Вікіпедыі ёсць артыкулы пра іншых асоб з прозвішчам Буш.
Генрых Хрысціян Вільгельм Буш (ням.: Heinrich Christian Wilhelm Busch; 15 красавіка 1832, Відэнзаль — 9 студзеня 1908, Мехтхаўзен, цяпер у межах Зезена) — нямецкі паэт-гумарыст і малявальшчык. За свае папулярныя сатырычныя вершы ў малюнках лічыцца адным з заснавальнікаў коміксаў. Аўтар папулярных кніг для дзяцей «Макс і Морыц» і «Пліх і Плюх».
Акрамя ілюстрацый да сваіх твораў, Буш з’яўляецца аўтарам больш за тысячы карцін (пераважна невялікага фармату), напісаных алеем. Пры жыцці аўтара яны заставаліся малавядомымі, і былі выстаўленыя толькі пасля яго смерці. Большасць карцін напісаны ў экспрэсіянісцкай манеры.
Сын крамніка. Навучаўся ў Дзюсельдорфскай акадэміі мастацтваў, а таксама ў Антверпене і Мюнхене.
У выдавецтве «Юнацтва» у 1984-м годзе выйшла кніга «Макс і Морыц. Вясёлыя гісторыя ў малюнках і вершах» (Пер. з ням. А. Вольскі).