У Вікіпедыі ёсць артыкулы пра іншых асоб з прозвішчам Кулікоў.
Ві́ктар Гео́ргіевіч Куліко́ў (5 ліпеня 1921, сяло Верхняя Любоўша, Лівенскага павета, цяпер Чырвоназоранскага раёна Арлоўскай вобласці — 28 мая 2013) — савецкі і расійскі ваенны і дзяржаўны дзеяч, Герой Савецкага Саюза (1981), Маршал Савецкага Саюза (1977).
Нарадзіўся ў сям’і селяніна-бедняка. У Савецкай Арміі з 1939.
Скончыў Грозненскае ваенна-пяхотнае вучылішча (1941), афіцэрскую Вышэйшую бронетанкавую школу (1947), Ваенную акадэмію ім. М. В. Фрунзе (1953), Ваенную акадэмію Генштаба (1959).
Удзельнік Вялікай Айчыннай вайны 1941—1945 — на Паўднёва-Заходнім, Калінінскім, 1-м Прыбалтыйскім і 2-м Беларускім франтах на розных камандных пасадах у танкавых частках. З лютага 1943 па май 1945 намеснік начальніка і начальнік штаба асобнай танкавай брыгады.
Пасля вайны на камандных пасадах у войсках.