wd wp Пошук: ⬜

Віктар Амадэй II

Віктар Амадэй II (італ.: Vittorio Amedeo II; 14 мая 1666 — 31 кастрычніка 1732) — герцаг Савойскі ў 1675—1730 гадах, кароль Сіцыліі ў 1713—1720 гадах, кароль Сардзінскага каралеўства ў 1720—1730 гадах. Сын Карла Эмануіла II.

Шлюб з Ганнай Марыяй Арлеанскай, пляменніцай Людовіка XIV уцягнуў яго ў залежнасць ад Францыі. У 1690 годзе далучыўся да антыфранцузскай Аўгсбургскай лізе; у 1696 годзе, не дамогшыся ад Іспаніі перадачы яму, як саюзніку, Ламбардыі, заключыў з Францыяй мірны дагавор у Турыне (пацверджаны Рысвікскім дагаворам 1697).

У вайне за іспанскую спадчыну спачатку выступаў саюзнікам Францыі і выдаў сваю дачку за французскага прэтэндэнта на іспанскі трон Філіпа V, але ў 1703 годзе перайшоў у лагер праціўнікаў Францыі, якая не згаджалася на перадачу яму Ламбардыі.

Паводле Утрэхцкага мірнага дагавора (1713) атрымаў востраў Сіцылію, Ніцу і тытул караля.

Па выніках Вайны чацвярнога саюза быў вымушаны саступіць Сіцылію Аўстрыі, атрымаўшы наўзамен востраў Сардзінію, і ўтварыў разам з П’емонтам, Ніцай і Савояй новае Сардзінскае каралеўства.

Ва ўнутранай палітыцы праводзіў курс асветнага абсалютызму. У 1730 годзе адрокся ад прастола на карысць сына Карла Эмануіла III. У 1731 годзе здзейсніў беспаспяховую спробу вярнуць сабе ўладу. Быў схоплены сынам і памёр у няволі.

Заснавальнік Турынскага ўніверсітэта.

Сям’я і дзеці

У Шамберы, 6 мая 1684, Віктар Амадэй II ажаніўся з Ганнай Марыяй Арлеанскай, дачкой Філіпа Арлеанскага і Генрыэты Сцюарт. Дзеці:

Марыя Адэлаіда Савойская (1685—1712), у шлюбе з Людовікам, герцагам Бургундскім
Марыя Луіза Савойская (1688—1714), у шлюбе з каралём Іспаніі Філіпам V
Віктар Амадэй (1699—1715), князь П’емонта
Карл Эмануіл III (1701—1773), кароль Сардзініі, герцаг Савойскі і князь П’емонта.

Ужо быўшы ўдаўцом, ён жэніцца марганатычна, 2 жніўня 1730 года ў Турыне на Ганне Каналіс дзі Куміяна (1679—1769), пасля маркізе Спінья. Дзяцей у іх не было.

Таксама на працягу больш чым дзесяці гадоў у Віктара Амедэя была сувязь з маладой Жаннай Жэнеўевай (1670—1736) дачкой Луі Шарля д’Альбер герцага дэ Люін, унучкай знакамітай герцагіні дэ Шэўрэз. Два дзіцяці былі ўзаконены і тытулаваны 14 мая 1701:

Віктар Франсуа (1694—1762), маркіз дэ Сюз.
Марыя-Ганна-Францыска-Вікторыя (1690—1766), мадэмуазель дэ Сюз, у 1714 ажанілася з Віктарам Амадэем Савойскім (1690—1741), з’яўлялася бабуляй прынцэсы дэ Ламбаль.

Зноскі

1 2 Victor Amadeus II // Encyclopædia Britannica Праверана 9 кастрычніка 2017.
1 2 Vittorio Amedeo di Savoia // RKDartists Праверана 9 кастрычніка 2017.
1 2 Lundy D. R. Vittorio Amedeo II di Savoia, Re di Sicilia e Sardegna // The Peerage Праверана 9 кастрычніка 2017.
1 2 Kindred Britain
1 2 (unspecified title) Праверана 7 жніўня 2020.
1 2 Lundy D. R. The Peerage

Спасылкі

Виктор Амедей II // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.

Папярэднік: Карл-Эмануіл II	Герцаг Савойскі 1675—1720	Пераемнік: Абвешчаны каралём
Папярэднік: Новы тытул	Кароль П’емонта і Сардзініі 1720—1730	Пераемнік: Карл Эмануіл III
Папярэднік: Філіп V	Кароль Сіцыліі 1713—1720	Пераемнік: Карл VI