У Вікіпедыі ёсць артыкулы пра іншых асоб з прозвішчам Сакалоў. Віктар Аляксеевіч Сакалоў (11 мая 1938, ст. Спірава, Цвярская вобласць, Расія — 7 верасня 2014) — беларускі вучоны ў галіне фізкультуры і спорта, педагог, заслужаны трэнер Беларусі (1973), заслужаны дзеяч фізічнай культуры Беларусі (1983). Доктар педагагічных навук (1992), прафесар (1989)
Скончыў Беларускі дзяржаўны інстытут фізічнай культуры (1964).
Працаваў у Беларускім дзяржаўным інстытуце народнай гаспадаркі імя В. У. Куйбышава (1970—1985, загадчык кафедры фізічнага выхавання), Акадэміі фізічнага выхавання і спорту Рэспублікі Беларусь (1985—1995, рэктар), Беларускім дзяржаўным педагагічным універсітэце імя М. Танка (з 1997, прафесар кафедры тэорыі і методыкі фізічнай культуры, у 1997—2008 — загадчык кафедры).
Навуковыя інтарэсы: тэорыя і методыка фізічнай культуры; спартыўная трэніроўка; аздараўленчая фізічная культура; матывацыя фізічнай і спартыўнай дзейнасці навучэнскай моладзі і механізмы яе выхавання.