Віктар Аляксандравіч Гвоздзеў (нар. 18 студзеня 1931, г. Смаленск) — дзяржаўны і партыйны дзеяч БССР[1]. Кандыдат эканамічных навук (1981), спецыяліст у галіне эканомікі сельскай гаспадаркі.
Член КПСС з 1956. Скончыў БСГА ў 1954. З 1954 галоўны інжынер Стайкаўскай МТС Багушэўскага раёна, дырэктар Зарубскай МТС Дубровенскага раёна, галоўны інжынер Дубровенскай РТС. З 1959 2-і сакратар Дубровенскага, з 1961 1-ы сакратар Езярышчанскага райкамаў КПБ. З 1962 партарг Віцебскага абкама КПБ у Гарадоцкім тэрытарыяльна-вытворчам калгасна-саўгасным кіраванні, з 1963 намеснік загадчыка сельска-гаспадарчым аддзелам Бюро ЦК КПБ па сельскаму гаспадарству, у 1966-69 начальнік Галоўнага кіравання па асушэнні зямель і будаўніцтву саўгасаў на Палессі пры Міністэрстве меліярацыі і воднай гаспадаркі СССР[1].
З кастрычніка 1969 1-шы сакратар Гомельскага абкама КПБ. З 1978 намеснік, з кастрычніка 1979 1-шы намеснік Старшыні СМ БССР, адначасова з 1978 старшыня Дзяржаўнага планавага камітэта БССР[1].
Член ЦК КПБ з 1971, член Бюро ЦК КПБ з верасня 1978. Дэпутат Вярхоўнага Савета СССР з 1970, Вярхоўнага Савета БССР у 1967-71, з 1980[1].
У 1982 годзе пераведзены на працу ў Маскву на пасаду намесніка Старшыні Дзяржплана СССР(руск.) бел.[2].
Навуковыя інтарэсы і тэматыка публікацый: арганізацыйна-эканамічныя аспекты міжгаспадарчай кааперацыі; планаванне ў сельскагаспадарчай вытворчасці; арганізацыя вытворчасці кармоў, ялавічыны і інш[2].