У Вікіпедыі ёсць артыкулы пра іншых асоб з прозвішчам Чарназёмаў. Віктар Іванавіч Чарназёмаў (22 ліпеня 1939, в. Касцюкоўка, Гомельскі раён) — беларускі архітэктар.
Скончыў Беларускі політэхнічны інстытут у 1963 годзе. Працаваў у Гродзенскім аблпраекце, Мінскпраекце, Белдзяржпраекце, з 1982 года — галоўны архітэктар у Белмясцпрампраекце.
Член Саюза архітэктараў СССР з 1968 года. Член КПСС з 1976 года. Пражывае ў Мінску.
Асноўныя працы (у аўтарскім калектыве): навучальныя карпусы і інтэрнаты Беларускага тэхналагічнага інстытута (1968—1970), гарадскі Палац піянераў (1975—1985), комплекс інтэрнатаў Беларускай чыгункі па Брэсцкай вуліцы (1982) у Мінску, мемарыял «Разгром» (1982), жылыя дамы, школы, дзіцячыя ўстановы (1977—1982).