Віджаянагарская імперыя
Віджаянагарская імперыя, або Віджаянагар — індуісцкая імперыя, якая займала ўвесь поўдзень Індыі за ракой Крышна з 1336 года да сярэдзіны XVII стагоддзя. Узнікла ў ходзе барацьбы індусаў Паўднёвай Індыі з мусульманамі Дэлійскага султаната. Дзяржава дасягнула піку магутнасці пры Дварае II (1422—1446), які здзейсніў заваявальныя паходы ў Бірму і на Цэйлон.
У XV—XVI стст. асноўным сапернікам Віджаянагарскай імперыі выступаў Бахманідскі султанат на захадзе Індыі. Пасля распаду султаната княствы, якія з’явіліся з яго частак, аб’ядналіся і нанеслі ў 1565 годзе ў бітве пры Талікоце Віджаянагару паражэнне, ад якога імперыя заняпала.
Літаратура
- Віджаянагар // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. С. 141.
Катэгорыя·Вікіпедыя·Спасылкі на Беларускую энцыклапедыю без нумароў старонак
Катэгорыя·Імперыі Азіі
Катэгорыя·Дзяржавы ў гісторыі Індыі
Катэгорыя·Вікіпедыя·Спасылкі на Беларускую энцыклапедыю без назвы артыкула
Катэгорыя·Вікіпедыя·Спасылкі на Беларускую энцыклапедыю без аўтара