Вячаслаў Васільевіч Тычын (8 кастрычніка 1909, Нова-Аляксандраўск /цяпер Зарасай/, Ковенская губерня, Расійская Імперыя — 2 сакавіка 1994, Падмаскоўе) — пісьменнік, член Саюза пісьменнікаў з 1952 г.
Нарадзіўся ў сям’і агранома і настаўніцы, з 18 гадоў пачаў працаваць: Данбас, Паўночны Каўказ. У 1937 г. трапіў пад рэпрэсіі. Быў на Калыме. У 1944 г. рэдактар мясцовага радыёвяшчання на Аўтабазе № 1 «Дальбуда». У 1945 г. працаваў карэспандэнтам магаданскіх газет «Советская Колыма» і «Стахановец Заполярья». Затым пераехаў у Іркуцкую вобласць. З 1964 г. у Курску, адказны сакратар Курскай пісьменніцкай арганізацыі (1964—1966). Затым жыў у Падмаскоўі.