wd wp Пошук: ⬜

Вячаслаў Аляксандравіч Нікіфараў

У Вікіпедыі ёсць артыкулы пра іншых асоб з прозвішчам Нікіфараў.

Вячаслаў Аляксандравіч Нікіфараў (нар. 13 жніўня 1942, с. Вясёлае, Адлерскі раён, Краснадарскі край) — беларускі і расійскі акцёр кіно і тэлебачання, кінарэжысёр, сцэнарыст, педагог. Заслужаны дзеяч мастацтваў Беларускай ССР (1981). Лаўрэат Дзяржаўнай прэміі СССР (1986). Лаўрэат прэміі Ленінскага камсамола Беларускай ССР (1978).

Біяграфія

Нарадзіўся 13 жніўня 1942 года ў сяле Вясёлае, Адлерскі раён, Краснадарскі край, РСФСР.

У 1957—1959 гадах вучыўся ў вячэрняй тэатральна-драматычнай студыі пры Рэспубліканскім рускім тэатры ва Улан-Удэ. У 1969 годзе скончыў рэжысёрскі факультэт УДІК (майстэрня Л. Куляшова і А. Хахловай).

У 1959—1963 гады — акцёр тэатраў у Абакане і Разані. У кіно — з 1968 года.

У 1986—1994 гады — першы сакратар Праўлення, старшыня, сустаршыня Беларускага саюза кінематаграфістаў.

Узнагароды і званні

Заслужаны дзеяч мастацтваў Беларускай ССР (1981)
Прэмія Ленінскага камсамола Беларускай ССР (1978)
Дзяржаўная прэмія СССР (1986, за фільм «Бацькі і дзеці»)
Прыз ЦК УЛКСМ «Пунсовы гваздзік» (Масква, СССР) (1973) за фільм «Зімародак»
VII Усесаюзны кінафестываль (Баку, СССР) (1974) — Дыплом за фільм «Хлеб пахне порахам»
II Усесаюзны конкурс кінастужак «Карчагінцы 70-х» (Масква, СССР) (1977) — Прэмія за фільм «Сын старшыні»

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.
Нікі́фараў Вячаслаў Аляксандравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 538. — 800 с. — 5 000 экз. — ISBN 985-11-0026-9.