Вялікае Астраўлянскае — возера ў Гарадоцкім раёне Віцебскай вобласці Беларусі ў басейне ракі Усыса, за 10 км у напрамку на паўднёвы захад ад горада Гарадок, каля вёсак Астраўляне і Сухарукава.
Плошча паверхні возера 0,24 км². Даўжыня возера 1,2 км, найбольшая шырыня 0,32[3] км. Даўжыня берагавой лініі 2,8 км.
Катлавіна возера лагчыннага тып, выцягнутая ў напрамку з паўночнага ўсходу на паўднёвы захад. Схілы катлавіны спадзістыя і месцамі забалочаныя. Мелкаводдзе вузкае і пясчанае. На возеры востраў плошчай каля 1 га[3]. Возера эўтрофнае. У возера ўпадаюць ручаі, на паўднёвым захадзе — пратока (ручай) з возера Малое Астраўлянскае[3], на паўночным усходзе — ручай з возера Бяздоннае. У паўночнай частцы Вялікае Астраўлянскае злучана ручаём Астраўлянка з ракой Усыса.
