Вяйнё Лііканен (фінск.: Väinö Liikkanen; 16 лістапада 1903, Ведэрлакс — 15 кастрычніка 1957, Куусанкаскі, Фінляндыя) — фінскі лыжнік, прызёр Алімпійскіх гульняў, чэмпіён свету.
На Алімпійскіх гульнях 1932 года ў Лейк-Плэсідзе заваяваў сярэбраны медаль у гонцы на 50 км, прайграўшы толькі 20 секунд свайму партнёру па камандзе Велі Саарынену, і выйграўшы ў бронзавага медаліста, нарвежца Арнэ Рустадстуэна, больш за 3-х хвілін. У гонцы на 18 км заняў 9-е месца.
На чэмпіянатах свету за сваю кар’еру заваяваў адзін залаты і адзін бронзавы медалі. Пасля завяршэння спартыўнай кар’еры працаваў лесніком.