Вышэйшая школа эканомікі і інавацый у Любліне (польск.: Wyższa Szkoła Ekonomii i Innowacji w Lublinie) — польская прыватная вышэйшая навучальная ўстанова, якая знаходзіцца ў Любліне.
Вучэльня была створана Фондам OIC Poland ў 2000 годзе. 24 кастрычніка 2000 года фонд атрымаў дазвол Міністэрства народнай адукацыі Польшчы на ажыццяўленне адукацыйнай дзейнасці па 4 спецыяльнасцям у сферы эканомікі. 22 лютага 2001 года вучэльня занесена ў адпаведны рэестр ВНУ пад нумарам 57. Сёння гэта буйнейшая вышэйшая навучальная ўстанова без статуса ўніверсітэта ва Усходняй Польшчы.