wd wp Пошук:
    ⬜

    Вышаградскі тунэль

    Від з боку цэнтра Прагі
    Від з боку ракі

    Вышаградскі тунэль (чэшск.: Vyšehradský tunel) — тунэль у Вышаградскай скале ў Празе, самы стары нечыгуначны пражскі тунэль. Даўжыня скаладае ўсяго 34 метры (вышыня 5 метраў, шырыня 9[1]).

    Збудаванне знаходзіцца ў Празе 2 у Нове-Месце на мяжы з Прагай 4. Праз тунэль можна трапіць з цэнтра Прагі ў раёны Подалі, Бранік, Ходкавічкі і Модржаны, інакш абыходны шлях цяжкі: праз Панкрац, па вадзе або праз масты па іншым беразе Влтавы[1].

    Тунэль пабудаваны ў 1905 годзе па праекце Вацлава Дворжака і Францішка Веліха. Першапачатковы праект уключаў памост вакол скалы над Влтавай, але па рэкамендацыі абаронцаў аховы культуры гэта ідэя агляднай пляцоўкі рэалізавана не была. З 1910 года праз тунэль пракладзена трамвайная лінія[1].

    Уваходны партал упрыгожаны зубцамі і вежамі ў «псеўдазамкавым» стылі, гэтым тунэль адрозніваецца ад іншых падобных будоў у Празе. На паўночным боку прымацавана памятная дошка чэшскаму геолагу Яну Крэйчы[1].

    Зноскі

    1. 1 2 3 4 Pavel Augusta. Kniha o Praze 2. — Praha: Milpo, 1996. — ISBN 80-901749-7-3.

    Спасылкі

    Тэмы гэтай старонкі (7):
    Катэгорыя·З’явіліся ў 1905 годзе
    Катэгорыя·Вуліцы Прагі
    Катэгорыя·Будынкі і збудаванні Прагі
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Тунэлі
    Катэгорыя·1905 год у Празе
    Катэгорыя·Нове-Места (Прага)