Высача́нскі сельсавет — былая адміністрацыйна-тэрытарыяльная адзінка ў складзе Лёзненскага раёна Віцебскай вобласці. Цэнтр — вёска Высачаны.
Утвораны 20 жніўня 1924 года ў складзе Высачанскага раёна Віцебскай акругі БССР. Цэнтр — вёска Высачаны. Пасля скасавання акруговай сістэмы 26 ліпеня 1930 года ў Высачанскім раёне БССР. З 8 ліпеня 1931 года сельсавет у складзе Лёзненскага раёна БССР. 15 ліпеня 1935 года Высачаны атрымалі статус рабочага пасёлка. З 20 лютага 1938 года ў складзе Віцебскай вобласці. 17 лістапада 1948 года статус Высачан паніжаны да вёскі. 16 ліпеня 1954 года скасаваны, тэрыторыя далучана да Крынкаўскага сельсавета[1].