wd wp Пошук: ⬜

Вусач вясковы

Вусач вясковы[1] (Arhopalus rusticus) — від жукоў-вусачоў з падсямейства Spondylidinae.

Арэал

Распаўсюджаны ў лясах Еўропы, Паўночнай Афрыцы, Азіі і Паўночнай Амерыкі.

Экалогія

Лічынкі развіваюцца ўнутры розных хвойных дрэў, такіх як хвоя, піхта, лістоўніца, але ў прыватнасці елка. Дарослыя насякомыя актыўныя ў начны час сутак, праводзячы час на кармавых раслінах; могуць прылятаць на штучную крыніцу святла. Жыццёвы цыкл адной асобіны доўжыцца два-тры гады. Даўжыня цела імага 10-30 мм.

Зноскі

↑ Вусачы // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз.. С. 499

Спасылкі

Berlov Oleg Сканограммы (руск.) . Сайт ЗИН РАН (zin.ru). Праверана 18 лістапада 2011.