Воўчка Праслужыч (XIV ст. — пасля 1419) — баярын галіцкі.
Паходжанне Воўчкі невядома, выказваюць толькі здагадкі. На пячатцы пана Воўчкі, вялікай дыяметрам — 43 мм, што характэрна княжацкім і дзяржаўным таго часу, выява знака падобнага да літары «W» з адгалінаваннем налева і ўверх[1], на думку А. Аднарожанкі, блізкая да дынастычных трызубаў Рурыкавічаў[2]. Кругавы надпіс на пячатцы «+ sigillum *~* wolczconis * de * rogatin **~*»[1].
Згадваецца як Wolczko Presszlussicz dominy et heres de Rohatyn. Упершыню пад 1404 годам, сярод баяр, якія разглядалі справу паміж каралём Уладзіславам Ягайлам і пані Лізаветай Пілецкай у Медыцы паблізу Перамышля[3][4][5].
У 1415—1419 гадах перанёс горад Рагацін, з гары каля цяперашняга Підгароддзя на месца сяла Філіповічы, і надаў яму магдэбургскае права, а таксама герб з выявай літары «R» і аленяга рогу[6].
Пра жонку нічога не вядома. Сын — Івашка Рагацінскі, радны пан вял. кн. Свідрыгайлы. Магчыма, сынам Воўчкі быў і пан Андрэй Рагацінскі, які, аднак, згадваецца толькі Хронікай Быхаўца[7].