Во́льга Алякса́ндраўна Брусні́кіна (руск.: О́льга Алекса́ндровна Брусни́кина; нар. 9 лістапада 1978 года, Масква, СССР) — расійская спартсменка, заслужаны майстар спорту па сінхронным плаванні. Трохкратная алімпійская чэмпіёнка (Сідней-2000 — дуэт і група, Афіны-2004 — група), шматразовая чэмпіёнка свету і Еўропы. У дуэце доўгія гады выступала з Марыяй Кісялёвай.
Пачала займацца сінхронным плаваннем у 14-гадовым узросце, у 1993 годзе выйграла юнацкі чэмпіянат свету. Выпускніца Расійскага дзяржаўнага ўніверсітэта фізічнай культуры. Выступала за МДФСА «Дынама». У 2001 годзе была ўзнагароджана ордэнам Пашаны. Завяршыла спартыўную кар’еру ў 2004 годзе. У 2009 годзе ўключана ў Залу Славы сусветнага плавання.
Тэмы гэтай старонкі (19):