Возера Перавагі (лац.: Lacus Excellentiae) — адносна невялікае месяцавае мора, размешчанае на поўдзень ад больш буйнога Мора Вільготнасці. Назва за аб’ектам афіцыйна замацавана Міжнародным астранамічным саюзам у 1976 годзе.
Найбольш прыкметны аб’ект унутры возера — гэта маленькі кратэр Клаўзіус.
Возера Перавагі паслужыла апошнім прытулкам для першай еўрапейскай аўтаматычнай станцыі «Смарт-1». 3 верасня 2006 года пасля завяршэння сваёй місіі апарат быў зведзены з арбіты і разбурыўся пры ўдары аб месяцавую паверхню[1].