Ваўкавыскі дзяржаўны аграрны каледж (ВДАК) — сярэдняя спецыяльная навучальная ўстанова ў г. Ваўкавыск. Размешчаны па адрасе вул. Перамогі, 52.
Ваўкавыскі ветэрынарны тэхнікум адкрыты ў 1956 годзе на базе Ваўкавыскай аднагадовай сельскагаспадарчай школы па падрыхтоўцы загадчыкаў жывёлагадоўчымі фермамі і малодшых ветфельчараў. У 1960 годзе перайменаваны ў Ваўкавыскі зоаветэрынарны тэхнікум, у 1979 годзе ў Ваўкавыскі саўгас-тэхнікум. З 1997 года — Ваўкавыскі сельскагаспадарчы тэхнікум[1].
У 2002 годзе тэхнікум ператвораны ў Ваўкавыскі дзяржаўны аграрны каледж. За перыяд існавання ўстановай адукацыі падрыхтавана 13354 спецыялістаў аграрна-прамысловага комплексу[1].
У 1953—1962 гадах пасаду дырэктара займаў Іван Георгіевіч Арэстаў[2].