У Вікіпедыі ёсць артыкулы пра іншых асоб з прозвішчам Багавіцінавіч. Вацлаў Паўлавіч Багавіцінавіч (? — пасля 1596) — ураднік Вялікага Княства Літоўскага.
Паходзіў са шляхецкага роду Багавіцінаў (Багавіцінавічаў) герба «Пелікан». Нарадзіўся ў сям’і Паўла Багавіцінавіча.
Харужы валынскі ў 1593—1596 гадах. У 1585 годзе падзяліў Казярады з братам Янам і стрыечным братам Мікалаем Міхайлавічам.
Быў жанаты з княжной Соф’яй Чартарыйскай, дачкой Міхаіла Чартарыйскага[ru]. У 1595 годзе купіў у сваіх шваграў Юрыя і Міхала Чартарыйскіх маёнтак Сталавічы ў Новагародскім павеце, які ў 1596 годзе прадаў М. К. Радзівілу Сіротку.