У Вікіпедыі ёсць артыкулы пра іншых асоб з прозвішчам Саковіч. Васіль Андрэевіч Сако́віч (нар. у 1949 годзе ў Плешчыцах Пінскага раёна Брэсцкай вобласці) — беларускі дзяржаўны дзеяч, дыпламат.
Дэпутат Вярхоўнага Савета Рэспублікі Беларусь 12-га і 13-га скліканняў, дэпутат Палаты Прадстаўнікоў Нацыянальнага сходу Рэспублікі Беларусь 1-га склікання.
У 1972 годзе скончыў Брэсцкі інжынерна-будаўнічы інстытут. З 1973 на гаспадарчай рабоце ў Віцебску, з 1982 года галоўны інжынер трэста «Віцебсксельбуд». У 1986 годзе скончыў Мінскую вышэйшую партыйную школу. З 1986 года загадчык аддзела, сакратар Віцебскага абласнога камітэта КПБ, з 1991 года — начальнік аддзела Упраўлення дзяржаўнай пазаведамаснай экспертызы праектаў і каштарысаў пры Віцебскім абласным выканаўчым камітэце.
З 24 красавіка 1992 года да 19 снежня 1996 года быў старшынёй Кантрольнай палаты Рэспублікі Беларусь[1] [2].
3 верасня 1999 года быў прызначаны Надзвычайным і Паўнамоцным Паслом Рэспублікі Беларусь у Рэспубліцы Малдова [3]. Адстаўлены з гэтай пасады быў 4 чэрвеня 2009 года [4].
12 лютага 1999 года ўзнагароджаны Ганаровай граматай Нацыянальнага сходу Рэспублікі Беларусь[5], а 3 красавіка 2006 года — Ганаровай граматай Савета Міністраў Рэспублікі Беларусь[6].